एनएमबि लघुवित्त वित्तीय संस्था लिमिटेडको नाफा बढेको छ । गत आर्थिक वर्ष २०८१/८२ मा एनएमबि लघुवित्त वित्तीय संस्था लिमिटेडले ६ करोड ३८ लाख रुपैयाँ खुद नाफा कमाएको छ।

बिज्ञापन

संस्थाले प्रकाशित गरेको चौथो त्रैमाससम्मको अपरिष्कृत वित्तीय विवरण अनुसार अघिल्लो आर्थिक वर्ष ५ करोड २९ लाख रुपैयाँ नोक्सानीमा रहेको थियो । लघुवित्त गत आर्थिक वर्षमा भने नाफामा पुगेको हो। समीक्षा अवधिमा लघुवित्तको खुद ब्याज आम्दानी ६१.८३ प्रतिशत बढेर ४३ करोड ५५ लाख रूपैयाँ पुगेको छ । यस्तै खुद फि तथा कमिशन आम्दानी ४२.२५ प्रतिशत बढेर ५ करोड ८८ लाख र कुल सञ्चालन आम्दानी ५९.२२ प्रतिशत बढेर ४९ करोड ४३ लाख पुगेको छ।

बिज्ञापन

अघिल्लो आर्थिक वर्ष ५ करोड ३२ लाख रुपैयाँ ऋणात्मक रहेको लघुवित्तको सञ्चालन मुनाफा, गत आर्थिक वर्ष ६ करोड ८८ लाख रुपैयाँ धनात्मक भएको छ। गत असार मसान्तसम्ममा लघुवित्तले ३ करोड ५ लाख रुपैयाँ इम्पेरमेन्ट चार्ज रिभर्स गरेका कारण सञ्चालन मुनाफा र खुद नाफा धनात्मक भएको हो। लघुवित्तको प्रतिशेयर आम्दानी पनि बढेर ८ रुपैयाँ ८५ पैसा रहेको छ भने प्रतिशेयर नेटवर्थ १४० रुपैयाँ ६१ पैसा रहेको छ। सो अवधिसम्ममा लघुवित्तको वितरणयोग्य मुनाफा ४ करोड ७५ लाख रुपैयाँ र वितरणयोग्य प्रतिशेयर आम्दानी ६ रुपैयाँ ५९ पैसा रहेको छ।

७२ करोड १४ लाख रुपैयाँ चुक्ता पूँजी रहेको यस लघुवित्तको जगेडा कोषमा २९ करोड २९ लाख रुपैयाँ सञ्चित छ। लघुवित्तले गत आर्थिक वर्षको अन्त्यसम्ममा ५ अर्ब ९० करोड रुपैयाँ निक्षेप तथा सापटीबाट ६ अर्ब ७५ करोड रुपैयाँ कर्जा लगानी गरेको छ।

बिज्ञापन