ताजा
लोकप्रिय
कुखुरा आँगनमा आएको विषयमा बाबु-छोराबीच विवाद हुँदा एक युवकले आफ्नै बुबामाथि गोली प्रहार गरेका छन् ।
बिज्ञापन
प्रहरीका अनुसार मकवानपुरको भीमफेदी गाउँपालिका-९ अघोरका ५९ वर्षीय कान्छाराम थिङलाई बुधबार उनकै छोरा ३५ वर्षीय इमानसिंह थिङले गोली प्रहार गरेका हुन् । छोरा इमानले भरुवा बन्दुकले गोली प्रहार गर्दा बुबा कान्छाराम घाइते भएका छन् । प्रहरीका अनुसार बाबु र छोरा अलगअलग बस्दै आए पनि उनीहरूले प्रयोग गर्ने आँगन साझा थियो ।
बिज्ञापन
बुबामाथि गोलो हान्ने इमानलाई नियन्त्रणमा लिइएको प्रहरीले जनाएको छ । उनको साथबाट एक नाले भरुवा बन्दुक बरामद भएको प्रहरीले जनाएको छ । उनले अनुमति विना उक्त बन्दुक राखेको पाइएको छ । प्रहरीका अनुसार कान्छारामको बायाँ खुट्टाको तिख्रा र दाहिने हातमा गोलीको छर्रा लागेको छ । उनको अवस्था सामान्य रहेको र उनलाई उपचारका लागि हेटौंडा लगिएको प्रहरीले जनाएको छ ।
बिज्ञापन
