ताजा
लोकप्रिय
च्याम्पियन्स ट्रफी २०२५ को उपाधिका लागि आइतबार भारत र न्युजील्यान्ड भिड्दैछन्। लगातार तेस्रो पटक फाइनल पुगेको भारतसँग न्युजील्यान्डले कस्तो खेल प्रदर्शन गर्ला भन्ने सबैको चासो रहेको छ।
बिज्ञापन
भारतको टिममा ब्याटिङ, बलिङ र फिल्डिङ नै निकै उत्कृष्ट छ। २०१३ को च्याम्पियन्स ट्रफीको विजेता टिम भारत २०१७ मा पाकिस्तानसँग फाइनलमा पराजित भयो। न्युजील्यान्ड यो प्रतियोगिताकै एक अन्डरडग टिम भन्दा फरक नपर्ला। पाकिस्तान, अष्ट्रेलिया, दक्षिण अफ्रिकाजस्तो टिम अगाडि आउन नसक्दा न्युजिलयान्ड भने एक पछि अर्को अनपेक्षित राम्रो प्रदर्शन देखाउँदै फाइनल पुग्यो। फाइनलअघि न्युजिल्यान्डलाई एक झड्का लाग्यो। जसमा म्याट हेन्री फाइनलका लागि टिममा खेल्नसक्ने अवस्था नहुन सक्छ। उनको बाँया काँधमा लागेको चोटका कारण उनी फाइनलमा टिमसँग नहुन सक्छन्। उनको कमी टिममा खड्किन सक्छ।
बिज्ञापन
भारतजस्तो बलियो प्रतिस्पर्धीसँग उपाधिका लागि न्युजील्यान्डले लिग चरणमा खेलेको खेलभन्दा निकै सुधारिएको खेल देखाउन पर्नेछ। लिग चरणमा समूह ए मा अपराजित रहँदै सेमिफाइनलमा अष्ट्रेलियालाई हराउँदै फाइनल प्रवेश गरेको भारतले न्युजील्यान्डलाई समूह चरणको खेलमा सहजै पराजित गरेको थियो। न्युजील्यान्डलाई ४४ रनले पराजित गरेको भारतले जुन तरिकाले खेलिरहेको छ। यही तरिकाले खेल्यो भने पनि च्याम्पियन्स ट्रफीको उपाधि जित्न सक्छ।
बिज्ञापन
