ताजा
लोकप्रिय
गुल्मीको चन्द्रकोट गाउँपालिका–७ च्यूरेनी भीरबाट बडिघाट खोलामा स्कुटर खस्दा बिहीबार दुई युवकको मृत्यु भएको छ । गुल्मीको मजुवाबाट चोरकाटेतर्फ जाने क्रममा लु १७ प १६४४ नम्बरको स्कुटर दुर्घटना भएको हो ।
बिज्ञापन
जिल्ला प्रहरी कार्यालयका प्रहरी नायव उपरीक्षक शंकर पोखरेलका अनुसार दुर्घटनामा चन्द्रकोट गाउँपालिका–६ हरेवाका ३८ वर्षीय किरणबहादुर थापा र ३२ वर्षका विनोद सुनारको मृत्यु भएको हो । दुर्घटनामा स्कुटर सडकदेखि ५० मिटर तल बडिघाट खोलामा खसेको चन्द्रकोटका अध्यक्ष युवराज खत्रीले बताए ।
बिज्ञापन
पालिका अध्यक्ष खत्रीसहित स्थानीयले तत्काल उद्धार गरेर खैरनीस्थित प्राथमिक स्वास्थ्य केन्द्रमा पुर्याए पनि डाक्टरले दुवै जनालाई मृत घोषणा गरेका थिए । गुल्मीको रुद्रवेणी वामीटक्सार खण्डमा पर्ने च्यूरेनी भीर खण्डको सडक मर्मत अभावले अप्ठ्यारो छ ।
बिज्ञापन
