ताजा
लोकप्रिय
तीव्र उतारचढावपछि नेपाल स्टक एक्सचेन्ज(नेप्से) झिनो अङ्कले घटेको छ ।
बिज्ञापन
बुधबार नेप्से परिसूचक ५.६० अङ्कले घटेर २६२८.२६ को विन्दुमा बन्द भएको हो। आज बजारमा ८१ हजार ४७ हजार ३२० कित्ता शेयरको खरिद बिक्री हुँदा ४ अर्ब २७ करोड ८२ हजार रुपैयाँको कारोबार भएको छ। अघिल्लो दिन मङ्गलबार २.९५ अङ्कले बढेर २६३३.८७ को विन्दुमा बन्द भएको थियो। यस दिन बजारमा ८९ लाख ३९ हजार ३४८ कित्ता शेयरको खरिद बिक्री हुँदा ४ अर्ब ३४ करोड ३२ लाख ३४ हजार रुपैयाँको कारोबार भएको थियो।
बिज्ञापन
बुधबार शेयर बजार खुलेको पहिलो एक घण्टासम्म बजारमा तीव्र उतार चढाव देखियो। शेयर बजार बन्द हुने समयमा घट्दै घट्दै गएको देखियो। परिसूचक घटे पनि उपकार लघुवित्त वित्तीय संस्था र सपोर्ट माइक्रो फाइनान्स लघुवित्तको शेयर मूल्य सर्वाधिक १० प्रतिशतले बढेको छ।
कारोबारका आधारमा जानकी फाइनान्स कम्पनी १५ करोड ५९ लाख २३ हजार रुपैयाँको कारोबारका साथ शीर्ष स्थानमा रहेको छ।
बिज्ञापन
