ताजा
लोकप्रिय
काठमाडौँ महानगर प्रहरी बलले सडकमा जडान गरेको बल्ब चोरेको आरोपमा एक जनाविरुद्ध अभियोगपत्र दायर गरेको छ। नगर प्रहरीले दोलखा घर भई काठमाडौँको कागेश्वरी मनोहरा नगरपालिका काँडाघारीमा बस्ने ३४ वर्षीय सुदीप बस्नेतविरुद्ध अभियोग पत्र दायर गरेको हो।
बिज्ञापन
बस्नेतलाई नगर प्रहरीले कोटेश्वर-बालकुमारी सडकबाट बल्ब चोरी गर्दै गरेको अवस्थामा पक्राउ गरेको थियो। कोटेश्वर क्षेत्रको अइल्याण्डमा जडित बत्तीहरू पटक–पटक हराउन थालेपछि नगर प्रहरीले अनुगमन गरेको थियो। अनुगमनका क्रममा गत फागुन १५ गते दिउँसो ३ बजे तार चुँडालेर बल्ब खल्तीमा हाल्दै गर्दा बस्नेतलाई नगर प्रहरीले नियन्त्रणमा लिएको थियो। उक्त बल्बको मूल्य चार हजार ३५८ रुपैयाँ रहेको महानगरले जनाएको छ।
बिज्ञापन
उनी विरुद्ध महानगरले मुलुकी अपराध संहिता २७४ को दफा २४१ ९१० बमोजिम २ वर्षदेखि ७ वर्षसम्म कैद सजाय वा २० हजार रुपैयाँ जरिवाना हुनुपर्ने मागसहित काठमाडौँ जिल्ला अदालतमा अभियोगपत्र दायर गरेको छ। बस्नेतले आफूलाई बल्ब राम्रो लागेपछि घरमा लागेर बाल्छु भनेर चोरी गरेको स्वीकार गरेका छन्। उनले प्रहरीसामु बयानमा भनेका छन्, ‘कोटेश्वरको एक खाजा घरमा रक्सी खाएर निस्किएर बालकुमारीको सडक पेटी हिँड्दै गर्दा सडकमा लाइट जडान गरिएको रहेछ। राम्रो लागेर घरमा लगी बाल्नुपर्यो भनी तार चुँडालेर खल्तीमा हाली जान लाग्दा महानगर प्रहरी बलका कर्मचारीले मलाई पक्राउ गरी प्रहरीको जिम्मा लगाए।’
बिज्ञापन
