ताजा
लोकप्रिय
विभिन्न कारणले गर्दा आजकल बच्चाहरूमा एक वा दुई वर्षको उमेरमै स्क्रिन हेर्ने बानी बसिसकेको हुन्छ । आमावुवाको व्यस्त जीवनशैलीले गर्दा, सानो परिवारको जागिरे आमावुवा जस्ले बच्चाहरुका लागि समय निकाल्न सक्दैन्न अथवा स्किनको बेफाईदाबारे ज्ञान नभएको अवस्थामा अभिभावकले बच्चाहरुलाई हेलचक्राई गरिरहेका हुन्छन् ।
बिज्ञापन
स्क्रिन हेर्ने बानी बालबालिकाहरुको लागि एकदमै हानिकारक छ । बिस्तारै उनीहरूलाई मोबाइल फोन र टिभीमा लत लाग्छ । उनीहरू दिनभरि फोनमै टाँसिएर बस्न थाल्छन् । केही बच्चा त यति धेरै स्क्रिन हेर्न थाल्छन् कि आँखालाई पनि कमजोर बनाउँछ । आमाबाबुलाई लाग्छ कि मोबाइल फोनहरूबाट बच्चाहरूलाई कुनै नोक्सान छैन । तर वास्तवमा यस्तो नभएर बच्चाहरुको लागि स्क्रिन हेर्ने बानी गम्भीर समस्या बन्न सक्छ । यसले उनीहरूको मस्तिष्कलाई त प्रभाव पार्छ नै व्यवहारमा पनि नराम्रो असर गर्छ ।
बिज्ञापन
धेरै मोबाइल हेर्दा बच्चा रिसाहा हुने, आक्रामक हुने र डिप्रेसन जस्ता समस्याहरू बच्चाहरुमा बढ्छ । लामो समयसम्म मोबाइल हेरिरहँदा उनीहरूको व्यवहारलाई धेरै परिवर्तन गर्न सक्छ । स्क्रिनको साइड इफेक्टका कारण बच्चाहरूमा एङ्गजाइटी र डिप्रेसन बढ्न थाल्छ । सुत्न समस्या हुन थाल्छ । मानसिक स्वास्थ्य बिग्रन्छ । बच्चाहरूमा व्यवहारसम्बन्धी समस्याका कारण तनाव बढ्छ । यी सबैका कारण बढी स्क्रिनटाइम हो ।
स्वास्थ्य विज्ञहरूको कुरा मान्ने हो भने मोबाइलको लत बसेको बच्चामा मुड स्विङ्ग, चिडचिडापन र अचानक रिसाउने समस्या बढ्न थाल्छ । यसले उनीहरूको विकासमा नराम्रो प्रभाव पार्छ । अभिभावकहरूले बच्चाहरूको व्यवहार परिवर्तनमा ध्यान केन्द्रित गर्नुपर्दछ । यदि बच्चाले राम्रोसँग खाँदैन वा सुत्दैन, स्कुल जान मन गर्दैन भने बच्चा मानसिक तनावमा हुन सक्छ । यस्तो अवस्थामा आमाबाबुले बच्चाहरूको विशेष हेरचाह गर्नुपर्दछ । व्यवहार सामान्य बनाउन ध्यान दिनुपर्छ । यसका लागि स्वास्थ्य विशेषज्ञहरूको सल्लाह लिन सक्नुहुन्छ ।
बिज्ञापन
बच्चामा तनावका लक्षणहरू देखिन्छन् भने आमावुवाले धीर भएर बच्चाहरूलाई मायाले फकाउनु पर्छ, राम्रो व्यवहार गर्नुपर्दछ । बच्चालाई के कुरामा समस्या भइरहेको छ? कुन कुराका तनाव छ? भन्ने बुझ्ने कोसिस गर्नुहोस् । बाल विशेषज्ञसँग परामर्श गर्नुहोस् । समयमा सही विज्ञको मद्दत लिनु बच्चाको मानसिक स्वास्थ्यका लागि धेरै महत्त्वपूर्ण छ । बच्चाहरूलाई स्वस्थ मानसिक स्थिति सही राख्न अभिभावकहरूले नै मद्दत गर्न सक्छन् । सबै अभिभावकहरूले आफ्नो बच्चाको राम्रो मानसिक स्वास्थ्य तन्दुरुस्त राख्न कोसिस गर्नुपर्छ ।
