रौतहट कटहरिया नगरपालिका–१ भसेढवा स्थित लालबकैया नदी किनारमा पहिचान खुल्न नसकेको अन्दाजी ४५ वर्षको देखिने एक युवकको शव फेला परेको छ ।
बिज्ञापन
पुरुषको शव बालुवामा पुरिएको अवस्थामा फेला परेको प्रहरीले जानकारी दिएको छ । शुक्रवार साँझ सशस्त्र प्रहरी बल नेपाल फर्वाड सुरक्षा वेश जंगलशैया र प्रहरी चौकी हरिनगरको संयुक्त टोलीले उक्त शवलाई पोस्टमार्टमका लागि प्रादेशिक अस्पताल गौर पठाएको सशस्त्रका एसपी बिक्रम हुमागाईंले बताए ।
बिज्ञापन
एसपी हुमागाईंका अनुसार शवको प्रकृति हेर्दा केही दिन अघि नदीमा आएको बाढीले कतैबाट बगाएर ल्याएको हुनसक्ने बताए । यसबारे थप अनुसन्धान भइरहेको प्रहरीले जानकारी दिएको छ ।








