ताजा
लोकप्रिय
नेपाल राष्ट्र बैंकले आउँदो दशैं पर्वलाई मध्यनजर गर्दै भदौ २९ गतेदेखि असोज ३० गतेसम्म सुकिला नोट (साना दरका नयाँ नोट) सटही गर्ने व्यवस्था गरेको छ।
बिज्ञापन
राष्ट्र बैंकको मुद्रा व्यवस्थापन विभागले सूचना जारी गर्दै आम सर्वसाधारणले तोकिएको मितिभित्र सुकिला नोट सटही गर्न सक्ने जानकारी दिएको हो।
बिज्ञापन
नोट सटहीका लागि राष्ट्र बैंकको थापाथलीस्थित मुद्रा व्यवस्थापन विभागसहित प्रदेश कार्यालयहरू – विराटनगर, जनकपुर, वीरगञ्ज, पोखरा, सिद्धार्थनगर, नेपालगञ्ज र धनगढीमा व्यवस्था मिलाइएको छ।
साथै, इजाजत प्राप्त ‘क’, ‘ख’ र ‘ग’ वर्गका बैंक तथा वित्तीय संस्थाहरूका शाखाबाट पनि सर्वसाधारण र संघ-संस्थाले सुकिला नोट सटही गर्न सक्नेछन्।
बिज्ञापन
ग्राहकहरूले आफ्नै खातावाला बैंक, नजिकको बैंक तथा वित्तीय संस्था वा राष्ट्र बैंकका सम्बन्धित कार्यालयमा पुगेर नयाँ नोट साट्न सक्ने व्यवस्था गरिएको छ।
