ताजा
लोकप्रिय
भारतकी चर्चित इनफ्लुएन्सर तथा रेडियो प्रस्तोता (आरजे) सिमरन सिंहले गुरुग्रामस्थित आफ्नै फ्ल्याटमा झुण्डिएर आत्महत्या गरेकी छन्। २६ वर्षीया सिमरन बुधबार राति कोठामा पङ्खामा झुण्डिएको अवस्थामा मृत फेला परेकी थिइन्।
बिज्ञापन
सिमरन मूल रूपमा जम्मू जिल्लाको दिग्याना इलाकाकी बासिन्दा थिइन्। दुई वर्षदेखि गुरुग्रामको सेक्टर ४७ मा भाडाको फ्ल्याटमा बस्दै आएकी थिइन्। प्रहरीकाअनुसार बुधबार राति १० बजे सेक्टर ४७ का केही व्यक्तिले कन्ट्रोल रुममा एक युवती झुण्डिएर आत्महत्या गरेको खबर गरेका थिए। प्रहरीले घटनास्थलमा पुगेर शवलाई कोठाबाट निकालेर अनुसन्धान गरिरहेको छ।
बिज्ञापन
परिवारकाअनुसार सिमरन केही समयदेखि समस्यामा परेकी थिइन्, तर यस विषयमा परिवारले न कसैलाई आरोप लगाएको छ न त कसैविरुद्ध उजुरी नै गरेको छ। प्रहरीले सिमरनको फ्ल्याटबाट कुनै सुसाइड नोट फेला पारेको छैन। घटनाबारे सिमरनको साथीले प्रहरीलाई जानकारी गराएका थिए। प्रहरी घटनास्थल पुग्दा फ्ल्याटको ढोका भित्रबाट ताला लगाइएको थियो। सिमरनको शव बिहीबार बिहान पोस्टमार्टम गरी परिवारलाई बुझाइएको छ।
सिमरनले रेडियोको दुनियाँमा आफ्नो छुट्टै पहिचान बनाएकी थिइन्, तर पछि सामाजिक सञ्जालतिर लागिन्। उनको इन्स्टाग्राम अकाउन्टमा धेरै भिडिओ छन्, जसलाई उनका फ्यानले निकै मन पराएका थिए। प्रहरीले यस विषयमा परिवार र साथीभाइसँग सोधपुछ गरिरहेको छ।
बिज्ञापन
आरजे सिमरन सिंह इन्स्टाग्राममा निकै सक्रिय थिइन्। जहाँ उनका ७ लाख फलोअर्स छन्। उनले आफ्नो इन्स्टाग्राम बायोमा ‘जम्मु की धडकन’ लेखेकी थिइन्। उनले १३ डिसेम्बरमा एउटा भिडियो पोस्ट गरेकी थिइन्, जसमा उनी समुद्र तटमा नाचिरहेको देखिएकी थिइन्।
