ताजा
लोकप्रिय
भक्तपुरको बालकोटमा बाबु–छोरा मृत फेला परेको घटनामा फरार रहेका जेठा छोरा मिलन आचार्य पक्राउ परेका छन् ।
बिज्ञापन
सूर्यविनायक नगरपालिकास्थित बालकोटको एक घरमा ५६ वर्षीय कुलप्रसाद आचार्य र उनका २२ वर्षीय छोरा प्रवीण मृत फेला परेका थिए । बाहिरबाट ताल्चा लगाइएको दुई फरक कोठामा उनीहरूको शव भेटिँदा मिलन फरार रहेका थिए । उनी मंगलबार आत्मसमर्पण गर्दै बाबु र भाइको हत्या गरेको स्वीकार गरेको प्रहरीले जनाएको छ । मिलनले हत्या गर्नुको कारण पारिवारिक तनाव भएको बताएका छन् ।
बिज्ञापन
उनले प्रहरीको प्रारम्भिक बयानमा पटक–पटक लोक सेवा आयोगको परीक्षा दिए पनि सफल हुन नसकेको पनि बताएका छन् । ‘मैले धेरैपटक लोक सेवा आयोगमा परीक्षा दिएँ । तर, ५–६ पटकसम्म फेल भएँ, बुबा पनि बिरामी हुनुहुन्थ्यो, भाइ पनि केही काम गर्दैनथ्यो, पढ्दै थियो,’ मिलनलाई उद्धृत गर्दै प्रहरी स्रोतले भन्यो । पछिल्लो समय भाइ कुलतमा फसेको, बाबु पनि डिप्रेसनको बिरामी रहेकाले आफूलाई तनाव भएको पनि उनले प्रहरीसँगको प्रारम्भिक बयानमा भनेका छन् ।
बिज्ञापन
