ताजा
लोकप्रिय
हाल देशमा पश्चिमी वायुको सामान्य प्रभाव रहेको छ। यद्यपि हाल देशभरको मौसम मुख्यतया सफा रहेको मौसम पूर्वानुमान महाशाखाले जनाएको छ। काठमाडौँ उपत्यका र तराईका केही स्थानहरूमा भने हुस्सु तथा कुहिरो लागेको अवस्था छ।
बिज्ञापन
आज दिउँसो देशभर मौसम मुख्यतया सफा रहने छ। राति पनि यो सिलसिलाले निरन्तरता पाउनेछ। सोमबार गण्डकी प्रदेशको उच्च पहाडी तथा हिमाली भूभागका एक-दुई स्थानमा हल्का हिमपातको सम्भावना छ। आज बिहानको समयमा तराई तथा उपत्यका केही स्थानहरूमा हुस्सुका साथै थोरै स्थानहरूमा कुहिरोको सम्भावना रहेकोले दैनिक जनजीवन, यातायात तथा हवाई उड्डयनमा आंशिक असर पर्न सक्ने हुनाले आवश्यक सतर्कता अपनाउन महाशाखाले अनुरोध गरेको छ।
बिज्ञापन
यसैबिच, काठमाडौँ उपत्यकामा शनिबार बिहानको तुलनामा आज चिसो केही घटेको छ। शनिबार यहाँको तामक्रम दुई डिग्री सेल्सियस मापन गरिएकामा आज बिहान त्यो चार दशमलव पाँच डिग्री पुगेको छ। आज उपत्यकाको अधिकतम तापक्रम १६देखि १८ डिग्री सेल्सियसका बिच रहने विभागको पूर्वानुमान छ। आज ६ बजेर ४७ मिनटमा सूर्योदय भयो भने ५ बजेर ११ मिनटमा सूर्यास्त हुनेछ।
बिज्ञापन
