ताजा
लोकप्रिय
लमजुङको दूधपोखरी गाउँपालिका-२ विचौरस्थित स्वास्थ्य संस्थामा उपचार हुन नसकेपछि एक गर्भवतीको हेलिकप्टरमार्फत उद्धार गरिएको छ।
बिज्ञापन
सोही ठाउँकी २७ वर्षीया पृथी गुरुङलाई सिम्रिक हेलिकप्टरबाट बुधबार पश्चिमाञ्चल क्षेत्रीय अस्पताल पोखरा ल्याइएको हो। गण्डकी प्रदेश स्वास्थ्य मन्त्रालयको पहलमा उद्धार गरिएको स्वास्थ्यमन्त्री कृष्णप्रसाद पाठकले बताए।
बिज्ञापन
पोखरा ल्याएर गुरुङको शल्यक्रिया गरी छोरी जन्मिएको उनले जानकारी दिए। प्रदेशको स्वास्थ्य मन्त्रालयले प्रदेशमा सुत्केरी हुन नसकेका गर्भवतीलाई तत्काल बाहिर लैजानुपर्ने भएमा हेलिकप्टर उपलब्ध गराउँदै आएको स्वास्थ्यमन्त्री पाठकले बताए।
उनका अनुसार हाल चिकित्सकको निगरानीमा सो सुत्केरी र शिशुको स्वास्थ्य अवस्था सामान्य रहेको छ।
बिज्ञापन
