ताजा
लोकप्रिय
पूर्वी रोल्पाको सुलिचौर नजिकै रहेको सुनिल स्मृति गाउँपालिका-४ कागडाँडामा डबल क्याब गाडी दुर्घटना हुँदा २ दिनकाे नवजात शिशुको मृत्यु भएको छ । बुधबार बिहान पौने ५ बजेतिर भएको दुर्घटनामा शिशुको उपचारका क्रममा बिहान पौने ७ बजे स्थानीय सुलिचौर प्राथमिक स्वास्थ्य केन्द्रमा मृत्यु भएको प्रहरीले जनाएको छ।
बिज्ञापन
प्यूठानबाट रोल्पाको सुलिचौर तर्फ आउने क्रममा लु ३ च १६५६ नम्बरको डबल क्याब गाडी भालुबाङ(लिवाङ सडक खण्डमा दुर्घटनामा परेको हो । दुर्घटनाग्रस्त गाडीमा ४ जना सवार थिए । दुर्घटनामा गम्भीर घाइते भएका शिशुको स्थानीय सुलिचौर स्थित प्राथमिक स्वास्थ्य केन्द्रमा प्रारम्भिक उपचारका लागि लगिएको थियो । मृतक शिशु लुङग्री गाउँपालिका-१ छिउधर निबासी अमृत रोकाको २ दिने नवजात शिशु छोरा थिए । प्रहरीका अनुसार रोका श्रीमतीसहित सुत्केरीको लागि प्युठान अस्पतालमा पुगेका थिए। उनी उक्त गाडीबाट घरमा फर्कने क्रममा थिए ।
बिज्ञापन
दुर्घटनामा घाइतेको उपचार भइरहेको उद्दारमा खटिएका सुलिचौर स्थित इलाका प्रहरी कार्यालयका प्रहरी निरीक्षक अरुण तामाङले जानकारी दिए । गाडीका चालक लुङग्री गाउँपालिका-१ छिउधर निवासी ३५ वर्षीय कुलबहादुर बिष्टसमेत घाइते भएका छन् । उनको दाहिने हातमा चोट लागेको छ भने मध्यम अवस्था रहेको छ ।
बिज्ञापन
