ताजा
लोकप्रिय
बैतडीको पाटन नगरपालिकाको एक होटलबाट पाँच जना जुवाडे पक्राउ परेका छन् । नगरपालिकाको मोहनपुरमा ४२ वर्षीय गणेशसिंह विष्टले सञ्चालन गरेको अन्नपूर्ण होटेलबाट होटल साहु विष्टसहित ५ जनालाई पक्राउ गरिएको प्रहरीले जनाएको छ ।
बिज्ञापन
जिल्ला प्रहरी कार्यालय बैतडीका प्रवक्ता प्रहरी निरीक्षक बलराम पाण्डेयका अनुसार इलाका प्रहरी कार्यालय पाटनबाट खटिएको प्रहरी टोलीले होटेलबाट तास खेलिरहेको अवस्थामा उनीहरूलाई नियन्त्रणमा लिएको हो ।
बिज्ञापन
जुवा खेलिरहेको अवस्थामा पाँच जना, नगद ६२ हजार ७७० रुपैयाँ र एक गड्डी तास नियन्त्रणमा लिएको उनले जानकारी दिए । उनीहरूलाई बिहीबार बेलुका ६ बजेतिर नियन्त्रणमा लिइएको हो । यसबारे प्रहरीले आवश्यक अनुसन्धान गरिरहेको प्रहरी निरीक्षक पाण्डेयले बताए ।
बिज्ञापन
