ताजा
लोकप्रिय
मोडल तथा अभिनेत्री दीपाशा विसीको पशुपति आर्यघाटमा अन्तिम संस्कार गरिएको छ । बुधबार नर्भिक अस्पताल भर्ना भएकी उनको २८ वर्षको उमेरमा बिहीबार निधन भएको थियो । उनको जन्म वि.सं २०५२ सालमा सुर्खेतमा भएको थियो । उनी लामो समयदेखि काठमाडौंमा रहेर मोडलिङ पेशामा काम गरिरहेकी थिइन् ।
बिज्ञापन
पशुपति आर्यघाटमा बीसीको अन्तिम सँस्कारका लागि कला क्षेत्रका विभिन्न व्यक्तिहरू उपस्थित थिए । विसीले केही नेपाली फिल्म र दर्जनौं म्युजिक भिडियोमा अभिनय गरेकी छिन् । विशेषगरि, उनले लोकगीतका म्युजिक भिडियोमा धेरै अभिनय गरेकी छिन् । उनले अभिनय गरेको फिल्ममा ‘बिरानो माया, छाल, झेली, दुलाहा रानी’ लगायतका फिल्ममा अभिनय गरेकी थिइन् ।
बिज्ञापन
यस्तै, उनले ‘तीज चाड नारीको, अच्छा लेकिन, नानी माई, सानी माया, तिमी नभए’ लगायतका दर्जनौं म्युजिक भिडियोमा काम गरेकी थिइन् । उनको डेब्यु फिल्म ‘दुलही रानी’ २०६८ मा रिलिज भएको थियो ।
बिज्ञापन
