ताजा
लोकप्रिय
बिज्ञापन
निजामती अस्पतालले औषधि कम्पनीका मेडिकल प्रतिनिधि (एमआर)लाई अस्पताल परिसरभित्र प्रवेशमा निषेध लगाएको छ।
बिज्ञापन
अस्पताल प्रशासनले बुधबार सूचना जारी गर्दै, ड्युटीमा रहेका चिकित्सकहरूसँग भेटघाट गर्न आउने मेडिकल प्रतिनिधिहरूका कारण बिरामीलाई असुविधा हुने र अस्पतालको संवेदनशील वातावरणमा नकारात्मक असर पर्ने देखिएकाले यस्तो निर्णय गरिएको स्पष्ट पारेको छ।
प्रशासनले भनिएको छ, “अबदेखि अस्पताल परिसरमा कुनै पनि औषधि कम्पनीका प्रतिनिधिहरू आएर यस्ता कार्य गरेको पाइएमा नियमअनुसार कारबाही गरिनेछ।”
बिज्ञापन
अस्पतालहरूमा औषधि कम्पनीका प्रतिनिधिहरूले चिकित्सकलाई भेटेर आफ्ना उत्पादनको जानकारी दिने, प्रचार गर्नेजस्ता गतिविधि गर्दै आएको पाइन्छ। तर, अस्पतालले यसले स्वास्थ्य सेवा प्रवाहमा बाधा पुग्ने भन्दै प्रतिबन्ध लगाउने निर्णय लिएको हो।
प्रशासनको अनुसार, अस्पताल रोगीहरूको उपचार केन्द्र हो, र त्यहाँ गैर-स्वास्थ्यकर्मी वा व्यवसायिक प्रतिनिधिको अनावश्यक उपस्थितिले बिरामी र सेवा प्रदायक दुवैलाई असर पुर्याउने भएकाले यो कदम उठाइएको हो।
