ताजा
लोकप्रिय
सन्दीप लामिछानेले पाँच विकेट लिएपछि नेपालले अस्ट्रेलियन क्यापिटल टेरिटोरी (एसीटी) माथि शानदार जित हात पारेको छ । आज बिहान भएको पहिलो टी–२० अभ्यास खेलमा नेपाल ४१ रनले विजयी भएको हो ।
बिज्ञापन
नेपालले दिएको १७८ रनको लक्ष्य पछ्याएको एसीटीले १७.२ ओभरमा सबै विकेट गुमाउँदै १३६ रन मात्रै बनाएको हो । नेपालका लागि लामिछानेले सन्दीपले सर्वाधिक पाँच विकेट लिए । ४ ओभर बलिङ गरेका उनले ३१ रन खर्चिदै ह्याट्रिक गरेका हुन् ।
बिज्ञापन
यसैगरी करण केसीले २ विकेट, रुपेश सिंह, गुल्सन झा र कुशल भुर्तेलले १÷१ विकेट लिए । टस हारेर पहिले ब्याटिङ गरेको नेपालले निर्धारित २० ओभरमा ८ विकेट गुमाउँदै १७७ रन बनाएको थियो ।
नेपालका लागि ओपनर आशिफ शेखले सर्वाधिक ६९ रन बनाए । ३८ बलमा आशिफले ४ चौका र ५ छक्का प्रहार गरे । यस्तै कप्तान रोहितकुमार पौडेलले ३६ रन, आरिफ शेखले २४ र दीपेन्द्रसिंह ऐरीले २१ रनको योगदान गरेका थिए ।
बिज्ञापन
