ताजा
लोकप्रिय
काठमाडौंसहित देशका केही भूभागमा बिहीबार वर्षा भएको छ। जल तथा मौसम विज्ञान विभागका अनुसार बिहीबार दिउँसो गण्डकी, वाग्मती र कोसी प्रदेशमा मेघगर्जन र चट्याङसहित वर्षा भएको हो।
बिज्ञापन
सबैभन्दा बढी वर्षा लमजुङको राइनास्टारमा मापन गरिएको विभागले जनाएको छ। लमजुङमा पछिल्लो १२ घण्टामा ४०.२ मिमि वर्षा मापन गरिएको विभागका मौसमविद् सरोज पुडाशैनीले जानकारी दिए। त्यहाँ दिउँसो असिना पानी समेत परेको थियो।
बिज्ञापन
‘लमजुङमा मध्यम वर्षा भएको छ। त्यहाँ दिउँसो ३ः१५ बाट वर्षा सुरु भएको थियो। पछिल्लो १२ घण्टामा त्यहाँ ४०.२ मिमि वर्षा मापन गरिएको छ,’ विभागका मौसमविद् पुडाशैनीले भने।
काठमाडौं उपत्यकामा पनि बिहीबार दिउँसोदेखि मेघगर्जनसहित हल्का वर्षा भइरहेको छ। पछिल्लो १२ घण्टामा नुवाकोटमा १६.६ मिमि, काठमाडौंको ढापड्याममा ६.४ मिमि, दोलखामा ७.२ मिमि वर्षा मापन गरिएको विभागले जनाएको छ। गोरखा, धादिङ पनि हल्का वर्षा भएको छ।
बिज्ञापन
‘काठमाडौंमा पनि बिहीबार दिउँसो हल्का वर्षा भएको छ। काठमाडौंका बिहीबार दिउँसो केही स्थानमा हावाहुरीसहित हल्का वर्षा भएको हो,’ पुडाशैनीले भने।
प्रि–मनसुनमा स्थानीय वायु सक्रिय भएर वर्षा हुने सम्भावना उच्च हुने र यसलाई सामान्य मानिने मौसमविद् गोविन्द झा बताउँछन्।
