ताजा
लोकप्रिय
सुदूरपश्चिम रोयल्स नेपाल प्रिमियर लिग (एनपीएल) टी–ट्वान्टी क्रिकेट प्रतियोगिताको फाइनलमा प्रवेश गरेको छ।
बिज्ञापन
बुधबार भएको खेलमा जनकपुर बोल्ट्सलाई ८ विकेटले हराउँदै सुदूरपश्चिम उपाधि नजिक पुगेको हो। त्रिवि क्रिकेट मेदानमा जनकपुरले दिएको १४० रनको लक्ष्य पछ्याएको सुदूरपश्चिमले १८ ओभर ३ बलमा मात्र २ विकेट गुमाउँदै लक्ष्य पूरा गर्यो। सुदूरपश्चिमका लागि ओपनर विनोद भण्डारीले ५८ रनको अर्धशतकीय पारी खेले। ५५ बल खेलेका उनले ३ चौका र ३ छक्का प्रहार गरे।
बिज्ञापन
ब्रान्डन म्याकमुलेनले २५ रन बनाउँदा साइब जेबले ३२ रन बनाए। कप्तान दिपेन्द्र सिंह ऐरीले २० रनको योगदान गरे। जनकपुर बोल्ट्सका लागि ललितनारायण राजबंशी र किशोर महतोले १–१ विकेट लिए बनाए। त्यसअघि टस जितेर पहिले ब्याटिङ गरको जनकपुरले निर्धारित २० ओभरमा ९ विकेट गुमाएर १३९ रन बनाएको थियो। जनकपुरका लागि जिम्मी निसमले सर्वाधिक ४५ रन बनाए।
त्यस्तै शुब कंशकारले २६ रन बनाउँदा हर्श ठाकेर र लाहिरु मिलान्थाले १२–१२ रनको योगदान गरे। बलिङतर्फ सुदूरपश्चिमका लागि दिपेन्द्र सिंह ऐरीले सर्वाधिक ३ विकेट लिए। उलने ४ ओभर बलिङ गर्दै २९ रन खर्चे। त्यस्तै सेफ जैबले २ विकेट लिँदा अबिनाश बोहरा र स्कट कुग्लिङले १–१ विकेट हात पारे। आजको खेलमा जित निकाल्दै सुदूरपश्चिम फाइनलमा पुगेको छ। पराजित जनकपुरले दोस्रो क्वालिफायरमा कर्णाली याक्ससँग प्रतिस्पर्धा गर्नेछ।
बिज्ञापन
आज नै भएको इलिमिनेटर खेलमा चितवन राइनोजलाई २१ रनले हराउँदै कर्णाली क्वालिफायरमा प्रवेश गरको थियो। कर्णाली र जनकपुरबीचको दोस्रो क्वालिफायर खेल बिहीबार १२:१५ बाट सुरु हुनेछ ।
