ताजा
लोकप्रिय
आजको संस्कृति र जीवनशैली यस्तो बनेको छ कि शरीरमा कुनै न कुनै समस्या रहिरहन्छ । यस्तो अवस्थामा ढिलो निन्द्रा लाग्नु पनि रोगको मुख्य लक्षण हो । समयमै सुत्नु भएन भने शरीरमा धेरै प्रकारका समस्या आउन सक्छ ।
बिज्ञापन
अहिलेको युगमा हरेक मानिस आफ्नो काममा यति व्यस्त छन् कि कसैसँग पनि निन्द्रा पूरा हुने गरी सुत्ने समय छैन । अफिसको काम सकेर घर पुग्दै ढिला भइसकेको हुन्छ । अनि बिहान सबेरै उठेर व्यक्तिगत वा घरायशी काम गर्नुपर्यो । यस्तोमा समय अभावका कारण हामीले आफ्नो निद्रासँग सम्झौता गरिरहेका हुन्छौं । यसको प्रत्यक्ष असर हाम्रो स्वास्थ्यमा पर्छ ।
बिज्ञापन
राति ढिलो सुत्नु तपाईको दिनचर्याको हिस्सा बनिसकेको छ भने तपाईं कयौं गम्भीर रोगको सिकार बन्न सक्नुहुन्छ । यस्तोमा धेरैको मनमा यसबाट कसरी बच्ने भन्ने प्रश्न उठ्छ । जानाै ढिला सुत्दा वा कम निदाउँदाका हानीहरू र यसबाट कसरी बच्न सकिन्छ ?
-ढिलो सुत्दाका हानिहरू:
बिज्ञापन
ढिलो सुत्दा मानिसको मानसिक स्वास्थ्यमा असर पर्छ । मानसिक तनावले कुनै पनि विषयमा निर्णय लिने क्षमतामा असर पर्न सक्छ । पर्याप्त निद्रा नपुग्दा हृदयाघात, मधुमेह र मोटोपना हुने एक अनुसन्धानले दाबी गरेको थियो । यी रोग स्वास्थ्यका लागि निकै हानिकारक छन् । पर्याप्त निद्रा नपाउँदा दिन पूरै खराब हुन्छ । मान्छे जतिबेला पनि चिडचिडा रहने र थकित महसुस गर्न थाल्छन् ।
-राम्रो निद्राको लागि अपनाउनुस् यस्ता उपाय:
राम्रो निद्राको लागि राति सधैं सुत्ने समय निश्चित गर्नुस् । उदाहरणका लागिः तपाईं राति १० बजे सुत्दै हुनुहुन्छ भने भोलिपल्ट ६ बजे मात्रै ओछ्यानबाट उठ्नुस । हरेक दिन ८ घन्टा सुत्नुहोस् । हरेक दिन एउटै समयमा ओछ्यानमा जानुहोस् । राति सुत्नु अघि कम्तिमा एक घण्टा अगाडि मोबाइल फोन र अन्य इलेक्ट्रोनिक वस्तुहरू प्रयोग गर्न बन्द गर्नुस् । यसले निद्रामा बाधा पुर्याउन सक्छ । राति सुत्ने ओछ्यान सफा सुग्घर राख्नुहोस् । चारैतिर वातावरण स्वच्छ राख्नुस् ।
यसबाहेक पनि राम्रो निद्राका लागि ध्यान र योग गर्न सकिन्छ । राति हल्का खाना खानुहोस् । खाना खाएपछि केही बेर टहलिनुस् ।
