ताजा
लोकप्रिय
ताप्लेजुङमा लागुऔषध खैरो हेरोइनसहित तीनजना पक्राउ परेका छन्। पक्राउ पर्नेमा भारत बिहार राज्यको अररिया थाना वडा नं.१२ घर भई फुङलिङ नगरपालिका वडा नं. ५ शिवालय मन्दिर नजिक बस्ने २३ बर्षिय अमिर हम्जा अन्सारी,फुङलिङ नगरपालिका वडा नं. ५ का २० बर्षिय जगत श्रेष्ठ र वडा नं ७ का २३ बर्षिय अनुप गुरुङ रहेका जिल्ला प्रहरी कार्यालय ताप्लेजुङले जनाएको छ।
बिज्ञापन
जिल्ला प्रहरी कार्यालय ताप्लेजुङका प्रवक्ता तथा सूचना अधिकारी प्रहरी निरीक्षक विवेक बस्नेतका अनुसार पक्राउ परेका तीनै जनालाई थप अनुसन्धानका लागि ७ दिन हिरासतमा राख्न ताप्लेजुङ जिल्ला अदालतबाट अनुमति लिई अनुसन्धान सुरु गरिएको छ।
बिज्ञापन
उनीहरुको शरीर तथा कोठाको खानतलासी गर्दा कालो रंगको प्लाष्टिकमा ४ वटा पोकामा ७० मिलिग्राम खैरो हेरोइन जस्तो देखिने लिसाईलो वस्तुसँगै सेतो कागजको टुक्रामा पोको पारेको अवस्थामा सुन जस्तो देखिने पहेंलो धातुका ५ वटा टुक्रा तथा नगद २६ हजार ६ सय रुपैयाँ,पर्स,मोवाइल सहितका सामग्री बरामद गरेको समेत प्रहरीले बताएको छ।
बिज्ञापन
