ताजा
लोकप्रिय
सरकारको कूल खर्चको लगभग साठी प्रतिशत रकम सार्वजनिक सार्वजनिक खरिद मार्फत खर्च हुने गर्दछ । यसर्थ सार्वजनिक खरिद प्रतिस्पर्धी स्वच्छ र मितव्ययी हुनु आवश्यक हुन्छ ।
बिज्ञापन
सार्वजनिक निकायको खरिद वातावरण प्रतिस्पर्धी र पदाधिकारीहरुमा खरिद तत्परता बृध्दि भएमा मात्र सार्वजनिक खरिद प्रक्रिया प्रभावकारी हुन सक्दछ ।यसका लागि सार्वजनिक खरिद अनुगमन कार्यालयले सरलीकृत र सवैले बुझ्न सक्ने गरि खरिद निर्देशिका बनाउने भएको छ सचिव डा दामोदर रेग्मीले सो कुरा वताएका हुन् ।
बिज्ञापन
उनले बताए सार्वजनिक खरिद प्रक्रिया आफैमा प्रविधिक विषय भएको र यसका कानूनहरु जटिल प्रकृतिका भएकोले सरल निर्देशिका तयार गरि यो जटिलतालाई सरल बनाउन आफू लागिपरेको कुरा उनले वताए । संघीय कार्यालयका अतिरिक्त प्रदेश र स्थानीय तहका कार्यालयहरुले अनुभूत गरेको यो समस्यालाई समाधान गर्न यथाशीघ्र सरल निर्देशिका तयार गरिने कुरा उनले बताए ।
यसको साथै अव प्रदेश र् स्थानीय तहमा खरिद कार्यको क्षमता अभिवृध्दि गर्न खरिद तालिम खासगरि विद्युतीय खरिदका तालिमहरु सघन रुपमा संचालन गरिने उनले बताए । अव खरिदका तालिमहरु सार्वजनिक खरिद अनुगमन कार्यालय र सम्बन्धित निकायको सहकार्यमा संचालन गरिने र यसवाट खरिद सम्बन्धी जनशक्तिको क्षमता विकास भै खरिद कार्य प्रभावकारी र प्रतिस्पर्धी बन्न जाने कुरा उनले बताए ।
बिज्ञापन
सार्वजनिक खरिद अनुगमन कार्यालयले विभिन्न सार्वजनिक निकायहरुको खरिद प्रतिस्पर्धी क्षमताको सघन अनुगमन समेत गर्ने भएको छ ।
