ताजा
लोकप्रिय
सिन्धुपाल्चोकमा भारी वर्षा भएको छ।
बिज्ञापन
जल तथा मौसम पूर्वानुमान महाशाखाका अनुसार सिन्धुपाल्चोकको नुर्पु गाउँमा पछिल्लो १२ घन्टामा १२३.४ मिलिमिटर वर्षा मापन भएको छ। त्यस्तै भोटाङमा ६४.८ मिलिमिटर, मेलम्चीमा ५५.६ मिलिमिटर, तार्के घ्याङमा ५८.४ मिलिमिटर, ढुंगमेमा ५०.८ मिलिमिटर, बोल्डेमा ४९ मिलिमिटर वर्षा भएको छ। काठमाडौं उपत्यका लगायत देशका अधिकांश स्थानमा गएरातिदेखि वर्षा भइरहेको छ।
बिज्ञापन
महाशाखाका अनुसार काठमाडौंको पानीपोखरीमा पछिल्लो १२ घन्टामा ६५ मिलिमिटर वर्षा भएको छ। कपनमा ३६ मिलिमिटर, सुन्दरीजलमा ३० मिलिमिटर वर्षा भएको छ। नुवकोटको ककनीमा ६२.२ मिलिमिटर वर्षा भएको छ। नुवाकोटकै पानसय खोलामा ८५.८ मिलिमिटर वर्षा भएको छ। त्यस्तै इलामको हिमाली गाउँमा ६४ मिलिमिटर, कन्याममा ५८ मिलिमिटर, माइपोखरीमा ५० मिलिमिटर, जितपुरमा ४३.६ मिलिमिटर वर्षा भएको छ।
गण्डकी प्रदेका विभिन्न भू-भागमा पनि पछिल्लो १२ घन्टामा मध्यमदेखि भारी वर्षा भएको छ। लमजुङको घरेढुंगामा ६३.२ मिलिमिटर वर्षा भएको छ। कास्कीको लामापाटनमा ५१.४ मिलिमिटर वर्षा पछिल्लो १२ घन्टामा भएको छ। लुम्बिनी, कर्णाली र सुदूरपश्चिम प्रदेशका पहाडी भू-भागमा पनि वर्षा भएको छ। तराईका भूभागमा भने वर्षा नभएको महाशाखाका वेबसाइटले देखाउँछ।
बिज्ञापन
पूर्वी तराईमा छिटपुट वर्षा भए पनि मध्य र पश्चिम तराईमा वर्षा भएको छैन। वर्षा नहुँदा मधेसमा पानीको हाहाकार छ। मधेस प्रदेशका ८ जिल्लालाई सरकारले संकटग्रस्त घोषणा गरिसकेको छ।
