ताजा
लोकप्रिय
व्यक्ति हत्यामा दोषी ठहर भएका व्यक्ति २४ वर्षपछि पक्राउ परेका छन्।
बिज्ञापन
पक्राउ पर्नेमा भोजपुरको पौवादुम्मा गाउँपालिका–६ का ४६ बर्षीय शान्त कुमार राई छन्। उनलाई जिल्ला प्रहरी कार्यालय भोजपुरले पक्राउ गरेको हो।
बिज्ञापन
भोजपुरको साविक ठुलोदुम्मा गाविस-८ का विजय कुमार राईलाई शान्त कुमार राईले २०५७ साल साउन १३ गते मरणासन्न हुने गरी कुटपिट गरी घाइते बनाएका थिए। उनको जिल्ला अस्पताल भोजपुरमा उपचारको क्रममा साउन १८ गते मृत्यु भएको थियो।
घटना पश्चात तत्काल भागी फरार रही लुकि छिपी बस्दै आएका राईको खोजतलासको क्रममा गाउँ घरमा नै आएको अवस्थामा प्रहरीले २०८१ साल फागुन २५ गते पक्राउ गरेको हो।
बिज्ञापन
पक्राउ परेका राईलाई तोकिएको कैद सजाय भुक्तानको लागि जिल्ला कारगार भोजपुर पठाइएको छ।
