ताप्लेजुङमा बनाउन लागिएको पाथीभरा केवलकारको विरोधमा स्थानीय उत्रिएपछि सैन्य दमन भएको भन्दै नागरिक समाजका अगुवाले आपत्ति जनाएका छन्। विभिन्न ७६ जनाले शुक्रबार एक संयुक्त विज्ञप्ति जारी गर्दै भनेका छन्।

बिज्ञापन

‘आदिवासी र नागरिकहरूको अधिकार खोस्दै उनीहरूमाथि भइरहेको यसखालका अलोकतान्त्रिक, अमानवीय सैन्य शक्तिको दुरूपयोग र ज्यादतीको घोर भर्त्सना गर्दै जारी द्वन्द्वलाई गम्भीरतापूर्वक लिएर पाथीभरा दर्शन केवलकारको नाममा भइहेको सैन्य दमन तुरून्तै बन्द गर्न र केवलकार परियोजना तुरून्तै खारेज गर्न हामी आग्रह गर्दछौं।’

बिज्ञापन

ताप्लेजुङस्थित मुक्कुमलुङको वृहत्तर संरक्षणका लागि भन्दै आदिवासी लिम्बुलगायत स्थानीयवासीले विगत ७ वर्षदेखि निरन्तर संघर्षरत गरिरहेका छन्। तर संघ, प्रदेश र स्थानीय सरकारले विकासका नाममा दमन गरेको उनीहरूले दाबी गरेका छन् । विज्ञप्तिमा भनिएको छ, ‘विकासको नाममा भ्रम छर्दै बहुप्रजातियुक्त जल, जंगल, जमिन, संस्कृति, सम्पदाहरू मासेर निश्चित लगानीकर्ता र कम्पनीले मात्रै नाफा कमाउने पाथीभरा दर्शन केवलकार बनाउने कार्यको विरोधमा मुक्कुमलुङ संरक्षण संयुक्त संघर्ष समिति र केवलकार खारेजी संयुक्त संघर्ष समितिको नेतृत्वमा आन्दोलनरत छन्।’

बिज्ञापन