ताजा
लोकप्रिय
पोखरामा यात्रु चढाउँदै गरेको बसलाई टिपरले ठक्कर दिएको छ।
बिज्ञापन
पोखरा महानगरपालिका–२५ बडहरेमा टिपरले बसलाई ठक्कर दिँदा भएको दुर्घटनामा तीन जना घाइते भएका छन् । पोखराबाट म्याग्दीतर्फ जाँदै गरेको ग १ ख ७००२ नम्बरको बसलाई सोही दिशाबाट आएको ग १ ख ९१४२ नम्बरको टिपरले ठक्कर दिएको हो। बसले रोकेर यात्रु चढाउँदै गर्दा टिपरले ठक्कर दिएको जिल्ला प्रहरी कार्यालय कास्कीका सूचना अधिकारी डीएसपी बसन्तकुमार शर्माले जानकारी दिए।
बिज्ञापन
उनका अनुसार बसमा चढ्दै गरेकी म्याग्दीको धौलागिरी गाउँपालिका–५ का ८४ वर्षीय हर्कलाल छन्त्याल घाइते भएका छन्। टाउकोमा चोट लागेका उनको अवस्था मध्यम र फिस्टेल हस्पिटलमा उपचार भइरहेको छ। टिपर चालक सिन्धुपाल्चोक चौतारा साँगाचोकगढी नगरपालिका– ३ घर भएका ३१ वर्षीय मनोज कटुवाल र सवार नुवाकोटका २८ वर्षीय बुद्ध घलेसमेत घाइते भएका छन्।
दुवैको मणिपाल शिक्षण अस्पतालमा उपचार भइरहेको प्रहरीले जानकारी दिएको छ। ठक्कर दिने टिपर प्रहरीको नियन्त्रणमा छ।
बिज्ञापन
