ताजा
लोकप्रिय
क्यानडाको अटवास्थित नेपाली राजदूतावासले क्यानडा जाने तयारीमा रहेका विद्यार्थीका लागि सुझाव दिएको छ।
बिज्ञापन
क्यानडामा डेरा र रोजगारी पाउन निकै गाह्रो भएको बताउँदै राजदूतावासले सचेत गराएको हो। विश्वभरबाट क्यानडा आउने विद्यार्थीको संख्या बढिरहेकोले जानु अगाडि बस्ने ठाउँको यकिन गर्न सुझाव दूतावासको सुझाव छ। त्यस्तै, दूतावासले अध्ययन गर्ने कलेज रहेको सहर, खर्च र विषयका बारेमा पूर्ण जानकारी लिन अनुरोध गरेको छ।त्यस्तै, क्यानडा जानुअघि नै त्यहाँ रहेका आफन्त, साथीभाइहरू, पूर्वविद्यार्थीका सामाजिक सञ्जालका ग्रुप, सम्बन्धित सहरका एनआरएनएलगायत प्रवासी नेपालीका संघसंस्थाका साथ रोजगारीका सम्भावनाका बारेमा पनि जानकारी लिन दूतावासले सुझाव दिएको छ।
बिज्ञापन
अभिभावकलाई आफ्ना सन्तानको अध्ययन, आवास र बस्ने खर्चको व्यवस्था गरेर मात्र पठाउनु पर्ने दूतावासको सुझाव छ। यसअगाडि दूतावासले अध्ययनका लागि क्यानडा आउने विद्यार्थीले सहजै रोजगारी पाइहाल्छन् भन्ने भ्रममा नपर्न अनुरोध गरेको थियो। नयाँ शैक्षिक सत्रको सुरुवात हुन लागेको भन्दै दूतावासले विद्यार्थीहरूका लागि सात सुझाव दिएको हो।
बिज्ञापन
