ताजा
लोकप्रिय
श्रीलंकाले भारतविरुद्धको जारी एकदिवसीय सिरिजको दोस्रो खेलमा ३२ रनको जित हासिल गरेको छ। तीन खेलको एकदिवसीय सिरिजअन्तर्गत दोस्रो खेलमा जित निकालेसँगै घरेलु टोलीले सिरिजमा १-० को अग्रता बनाएको छ। यसअघि पहिलो खेल बराबरीमा सकिएको थियो।
बिज्ञापन
श्रीलंकाले भारतलाई २०२१ पछि पहिलो पटक पराजित गरेको हो। यसबिचमा श्रीलंकाले ६ खेल गुमाउँदा एक खेल बराबरीमा सकिएको छ। श्रीलंकाको जितमा ६ विकेट लिएका लेग स्पिनर जफ्री भान्डर्से ‘म्यान अफ द म्याच’ घोषित भए। टस जितेर पहिले ब्याटिङ गरेको श्रीलंकाले निर्धारित ५० ओभरमा ९ विकेट गुमाएर २ सय ४० रन बनाएको थियो। उसका लागि कमिन्दु मेन्डीस र आभिष्का फर्नान्डोले समान ४०-४० रन बनाउँदा कुशल मेन्डीसले ३० रन र दुनिथ वेलालगेले ३९ रन बनाए। वेलालगे र मेन्डीसले पछिल्लो क्रममाम उत्कृष्ट प्रदर्शन गरेका थिए। कप्तान चरिथा असलंकाले २५ रन बनाउँदा अकिल धनन्जय १५ रनमा आउट भए।
बिज्ञापन
भारतका लागि वासिंगटन सुन्दरले ३० रन खर्चिएर ३ विकेट लिँदा कुल्दीप यादवका नाममा २ विकेट रह्यो। त्यस्तै मोहम्मद सिराज र अक्षर पटेलले समान १-१ विकेट लिए। २ सय ४१ रनको लक्ष्य पछ्याएको भारत राम्रो सुरुवातका बाबजुत ४२।२ ओभरमा २ सय ८ रनमा समेटियो। पहिलो वेकटका लागि रोहित शर्मा र शुभमन गिलले ९७ रनको साझेदारी गरेपनि पछिल्लो क्रम समालिन असफल भयो। शर्मा ६४ रनमा आउट हुँदा अर्का ओपनर गिल ३५ रनमा आउट भए। अक्षर पटेल ४४ रन बनाएर पेभिलियन फर्किदा विराट कोहली १४ रनमा आउट भए। त्यस्तै वासिंगटन सुन्दरले १५ रन बनाउँदा अन्य खेलाडीको प्रदर्शन गतिलो रहेन।
भारतलाई धारासायि बनाउने क्रममा जेफ्री भेन्डर्सेले ३३ रन खर्चिएर ६ विकेट लिए। त्यस्तै चरिथा आसालन्काले २० रन दिंदै ३ विकेट लिएका थिए। अब यी दुईको तेस्रो तथा अन्तिम एकदिवसीय बुधबार हुनेछ।
बिज्ञापन
