भेष्पा अप्रिलिया एक्सचेन्ज अफर: नगद छुटदेखि सहज फाइनान्स सुविधासम्म

भेष्पा तथा अप्रिलियाले एक्स्चेन्ज अफर ल्याएको छ । कम्पनीले भेष्पा तथा अप्रिलिया स्कुटरमा नगद छुटका साथै फाइनान्स स्कीमसहितको एक्सचेन्ज अफर ल्याएको हो ।

कम्पनीले ल्याएको स्कीममा १० हजार छुट तथा ४.९९ प्रतिशत व्याजदरमा नै कर्जा उपलब्ध गराउने जनाएको छ । अप्रिलिया तथा भेष्पा स्कुटरको नेपालका लागि आधिकारिक विक्रेता कम्पनी डेल्टा अटोकर्पले ल्याएको यही बैशाख १७ गतेदेखि २३ गतेसम्म एक्सचेन्ज क्याम्प स‌चालन गर्ने भएको हो । यो एक्सचेन्ज क्याम्पमा नगदमा स्कुटर किन्दा १० हजार रुपैयाँ नगद छुट पाउने छन् भने, हेलमेट, फुट म्याट र स्कुटर कभर निःशुल्क पाइन्छ ।

यो एक्सचेन्ज क्याम्पमा कम्पनीले अन्य ब्रान्डका पुराना मोटरसाइकल तथा स्कुटरमा बजार मूल्यांकनमा थप १२ हजार र पुराना भेष्पा अप्रिलियामा थप १५ हजार मूल्यांकन दिने बताएको छ । यो स्कीम देशभर रहेको डिलर नेटवर्कबाटमा उपलब्ध हुने कम्पनीले जनाएको छ ।